Jan Shikshan Sansthan(JSS) hi Central sawrkar Ministry of Skill Development & Entrepreneurship hnuaia scheme pakhat ani a. A tum ber chu thalai kum 15-45 inkar te mahni kut ke ngei a an dinchhuah a, eizawnna atan pawha hmang thei tura thiamna bul fuk an neih theih nan kut themthiam thil a thlawna zir theihna (free skill training) kalpui ani. India ramah chuan kum 1967 khan bultan tawh niin, tunah hian India ram state hrang hrang 27 leh UT 7 ah JSS hi 304 a awm mek ani. Central sawrkar chuan nikum 2021 khan India ram district hrang hrang 52 ah JSS hi hawng thar lehin,chung zingah chuan Mamit district pawh aspirational district anih angin a tel ve ani. 100% fund hi central sawrkar atanga lo kal ani a, chutih rualin JSS hi NGO kaltlanga kalpui tur anih angin Mizoramah chuan NGO hlun leh changtlung tak Mission Foundation Movement (MFM) te kaltlangin nikum October ni 1, 2021 atang khan High school Veng,Mamit ah bultan ani. Tunah hian Office staff 6 awm mekin, nikum 2021-2022 session chhung khan trainer 18 in trade hrang hrang 11 ah training anlo kalpui tawh ani. Chung trade hrang hrang anlo kalpui tawh te chu-

1. Animal Health worker
2. Welding Assistant
3. Bar Bending and Steel Fixer
4. Bee Keeping
5. Craft Baking
6. Assistant Nail Technician
7. Assistant Hair Stylist
8. Assistant Beauty Therapist
9. Pickle Making Technician
10. Self Employed Tailor
11. Data Entry Operator/Diploma in Computer Application
te an ni.

May ni 12,2021 khan JSS office official a hawnna leh zirchhuak te certificate hlanna chu Chhim Veng YMA Hall ,Mamit ah Bialtu MLA Pu Er. H. Lalzirliana leh Addl. DC,Mamit district Pu Lalfakzuala ho in neih ani a. Tunah hian Mamit khaw pawna zirlai zirchhuakte certificate hlanna neih zo thuak tawh ani a. Tunah hian kum 2022-2023 session atana trade hrang hranga a thlawna training kal pui leh turin hmalak mek ani. Hrechiang duh tan Ph: 9612600916/8132830136 ah engtiklai pawhin zawhfiah theih reng ani e.